கடலூர் அடுத்த குடிகாடு ஆற்றங்கரையைச் சேர்ந்தவர் சீனுவாசன், 31. நேற்று முன்தினம் சொந்த வேலையாக பைக்கில் சிதம்பரம் சென்று விட்டு இரவு கடலூர் திரும்பினார். பரங்கிப்பேட்டை அடுத்த பெரியகுமட்டி அருகே செல்லும்போது 5 பேர் கொண்ட மர்ம கும்பல் சீனுவாசனை கத்தியை காட்டி வழிமறித்து செயின் மற்றும் மோதிரம் உள்ளிட்ட 5 சவரன் தங்க நகை மற்றும் 1,100 ரூபாய் ஆகியவற்றை பறித்துச் சென்றனர். அதன் மதிப்பு 75 ஆயிரம் ரூபாய் ஆகும். இதுகுறித்து சீனுவாசன் கொடுத்த புகாரின் பேரில் பரங்கிப்பேட்டை இன்ஸ்பெக்டர் சுப்ரமணியன் வழக்குப் பதிந்து மர்ம கும்பலை தேடி வருகின்றனர்.