நெல்லிக்குப்பம், அரசினர் பெண்கள் மேல்நிலைப்பள்ளியில் படிக்கும், மாணவிகளுக்கு ரோஸ்கண்ணன் நினைவு அறக்கட்டளை சார்பில், தினமலர் நாளிதழின் அறிவியல் களஞ்சியமான பட்டம் இதழ் வழங்கப்பட்டு வருகிறது.

பள்ளியில் வாசிப்பு திறனை அதிகரிக்கவும், பொது அறிவை வளர்க்கும் வகையிலும் ஆசிரியர்கள் பயிற்சி அளித்து வருகின்றனர்.

இப்பள்ளியில் புதுச்சேரி தினமலர் பட்டம் இதழ், ஆச்சார்யா கல்வி குழுமம் இணைந்து, 'பதில் சொல் பரிசு வெல்' வினாடி-வினா போட்டி நடத்தப்பட்டது. இதில் 16 மாணவிகள் கலந்து கொண்டனர். மொத்தம், 8 குழுக்களாக பிரிந்து மூன்று சுற்றுகளாக போட்டிகள் நடந்தன.

இதில், 9 ம் வகுப்பு மாணவிகள் ரூபிஷா, தக்ஷன்யா முதலிடமும், பிளஸ் 1 மாணவிகள் வினித்தா, அனுஷ்கா இரண்டாம் இடமும் பிடித்தனர்.

அறக்கட்டளை நிறுவனர் ரவிசங்கர் வெற்றி பெற்ற மாணவிகளுக்கு கேடயம்,பதக்கம் மற்றும் பங்கேற்ற மாணவிகளுக்கு சான்றிதழ்களை வழங்கினார். தலைமையாசிரியர் பூங்கொடி, பெற்றோர் ஆசிரியர் கழக தலைவர் ராமலிங்கம்,அரிமா சேகர் கலந்து கொண்டனர்.