பத்தாவது ஆசிய பசிபிக் காது கேளாதோருக்கான சர்வதேச விளையாட்டுப்போட்டிகள், மலேசியா தலைநகர் கோலாலம்பூரில் டிச.1ம் தேதி துவங்கி டிச.8ம் தேதி வரை நடந்தது. இதில் பங்கேற்ற இந்திய வீரர்கள் 8 தங்கம், 18 வெள்ளி மற்றும் 29 வெண்கல பதக்கங்களுடன் ஐந்தாம் இடத்தைப்பிடித்தனர்.

இதில் கடலுாரைச் சேர்ந்த தனியார் கல்லுாரி மாணவர் கார்த்திக், 110மீட்டர் தடைதாண்டும் ஓட்டத்தில் பங்கேற்று, இரண்டாமிடம் பெற்று வெள்ளிப்பதக்கத்தை வென்றார்.

பதக்கம் வென்ற கார்த்திக்கை, பயிற்சியாளர்கள், பெற்றோர் மற்றும் ஆசிரியர்கள் பாராட்டினர்.