நடுவீரப்பட்டு அடுத்த வாண்டராசன்குப்பம் மற்றும் வன்னியர்புரம் கிராமத்தில் உள்ள ரேணுகா பரமேஸ்வரி அம்மன், பாலமுருகன், வள்ளி தேவசேனா சமேத சக்திமுருகன் கோவிலின் மகா கும்பாபிஷேகம் 22ம் தேதி திங்கள்கிழமை நடக்கிறது.

விழாவை முன்னிட்டு நாளை 21 ம் தேதி ஞாயிற்றுக்கிழமை காலை 8:30 மணிக்கு அனுக்ஞை, விக்ஜேஸ்வரர் பூஜை, கணபதி ேஹாமம், தனபூஜை, மகா பூர்ணாஹூதி நடக்கிறது.

இரவு 7:00 மணிக்கு வாஸ்துசாந்தி, அங்குரார்பணம், யாத்ராதானம், யாகசாலை பிரவேசம் மற்றும் முதல் கால யாகசாலை பூஜை நடக்கிறது. இரவு 9:00 மணிக்கு மகாபூர்ணாஹூதி, மகா தீபாராதனை நடக்கிறது.

22 ம் தேதி திங்கள்கிழமை காலை 6:00 மணிக்கு விக்னேஸ்வரர் பூஜை, பிம்பசுத்தி, ரக்ஷாபந்தனம், இரண்டாம்கால யாகசாலை பூஜை, நாடி சந்தனம் நடக்கிறது.

8:30 மணிக்கு மகா பூர்ணாஹூதி நடந்து,9:15 மணிக்கு யாகசாலையில் வைக்கப்பட்ட கலசங்கள் ஆலய உலாவாக வந்து 9:30 மணிக்கு பாலவிநாயகர் மற்றும் பரிவாரமூர்த்திகளுக்கு கும்பாபிஷேகம் நடக்கிறது.9:45 மணிக்கு வள்ளி தேவசேனா சமேத சக்தி முருகன் கோவிலுக்கு கும்பாபிஷேகம் நடக்கிறது. 10:00 மணிக்கு ஸ்ரீ ரேணுகா பரமேஸ்வரி அம்மன் கோவிலுக்கு கும்பாபிஷேகம் நடக்கிறது.

விழா ஏற்பாடுகளை விழாக்குழுவினர்கள் செய்து வருகின்றனர்.