கடலுார் மத்திய சிறையில் சிறைக்காவலர்கள் நேற்று (அக்.,21) கண்காணிப்பு பணியில் ஈடுபட்டனர். அப்போது, தொகுதி–1ல் மதில் ஓரமாக ஏதோ ஒரு பொருள் பிளாஸ்டிக் கவரில் சுற்றப்பட்டு கேட்பாரற்று கிடப்பதை கண்டுபிடித்து பிரித்து பார்த்தனர். அதில், ஒரு மொபைல், 2 பேட்டரிகள் இருப்பது தெரிந்தது. உடன், அவைகளை பறிமுதல் செய்து, சிறை அலுவலர் விக்னேஷிடம் ஒப்படைத்தனர்.

இதுகுறித்து சிறை அலுவலர் விக்னேஷ் அளித்த புகாரின் பேரில், கடலுார் முதுநகர் போலீசார் இன்று (அக்.,22) வழக்குப் பதிந்து, மொபைல் போன், 2 பேட்டரிகளை வீசிய மர்ம நபர்கள் குறித்து விசாரிக்கின்றனர்.