புவனகிரி அருகே கீரப்பாளையம் ஒன்றியம், பெருங்காலூர் கிராமத்தில் மெயின் ரோடு இணைப்பு சாலை 36 லட்சம் ரூபாய் மதிப்பில் அமைக்கப்பட்டது. இந்த தார்சாலை, சில மாதங்களில் சேதம் அடைந்ததால் அப்பகுதியினர் மீது கடும் அதிருப்தியில் இருந்து வந்தனர். கடந்த இரு தினங்களுக்கு முன்பு, அந்த சாலையை போட்ட ஒப்பந்ததாரர் வேறு வேலை காரணமாக வந்தார். இதையறிந்த அப்பகுதியினர் அவரை சிறைபிடித்து, கேள்வி கணைகளால் தொடுத்தனர். இதனால் ஒப்பந்ததாரருக்கும், பொதுமக்களுக்கும் வாக்கு வாதம் ஏற்பட்டது.