மாவட்ட தலைவர் மச்சேந்திரன் தலைமை தாங்கினார். அனைத்துத்துறை ஓய்வூதியர் சங்க மாவட்ட தலைவர் காசிநாதன் துவக்க உரையாற்றினார். மாவட்ட செயலாளர் பாவாடை, கோரிக்கைகளை வலியுறுத்திப் பேசினார். அனைத்துத்துறை ஓய்வூதியர் சங்க மாவட்டசெயலாளர் பழனி, மாநில செயலாளர் மனோகரன், ஓய்வூதியர் கூட்டமைப்பு மாவட்டதலைவர் புருஷோத்தமன், அரசு ஊழியர் சங்க மாவட்ட தலைவர் வெங்கடாஜலபதி, சத்துணவு அங்கன்வாடி ஓய்வூதியர் சங்க மாநில பொருளாளர் ராமநாதன் சிறப்புரையாற்றினர்.

முதல்வர் அளித்த தேர்தல் வாக்குறுதியான மாதாந்திர ஓய்வூதியம் 7,850 ரூபாய், குடும்ப ஓய்வூதியம், மருத்துவ காப்பீடு வழங்க வேண்டும் உள்ளிட்ட 10 அம்ச கோரிக்கைகள் ஆர்ப்பாட்டத்தில் வலியுறுத்தப்பட்டன. சுந்தரமூர்த்தி நன்றி கூறினார்.