திட்டக்குடி அடுத்த தி.இளமங்கலத்தைச் சேர்ந்தவர் ராஜா, 37; இவர் நேற்று முன்தினம் தனது மொபட்டில் தர்மகுடிகாடு பெட்ரோல் பங்கிற்கு பெட்ரோல் போடுவதற்கு திட்டக்குடி - விருத்தாசலம் சாலையில் சென்று கொண்டிருந்தார்.

அப்போது, அங்குள்ள மின்வாரிய அலுவலகம் அருகே சென்ற போது பின்னால் வந்த பைக், மொபட் மீது மோதியது.

இதில், படுகாயமடைந்த ராஜாவை அருகில் இருந்தவர்கள் மீட்டு தஞ்சாவூர் மருத்துவக்கல்லுாரி மருத்துவமனையில் சேர்த்தனர். அங்கு அவர் சிகிச்சை பலனின்றி நேற்று இறந்தார்.

புகாரின் பேரில், திட்டக்குடி போலீசார் வழக்குப் பதிந்து விசாரிக்கின்றனர்.