'டிட்வா' புயல் எச்சரிக்கை காரணமாக கடலுார் மாவட்டத்திற்கு நேற்று 'ரெட்' அலர்ட் விடுக்கப்பட்டிருந்தது. அதையொட்டி நேற்றுமுன்தினம் இரவு முதல் கடலுாரில் மழை பெய்து வருகிறது. நேற்றும் மழை தொடர்ந்து பெய்து வந்தது.

இந்நிலையில் பொதுமக்கள் வீடுகளில் பாதுகாப்பாக இருக்க அறிவுறுத்தப்பட்டுள்ளனர். இதனால் காய்கறி, மளிகை, மருந்து மற்றும் பிரட், பால், மெழுகுவர்த்தி உள்ளிட்ட அத்தியாவசிய பொருட்களை வாங்க பொதுமக்கள் கடைகளில் குவிந்தனர். இதனால் பல்வேறு கடைகளில் மக்கள் கூட்டம் அதிகளவில் காணப்பட்டது .