வங்கக்கடலில் உருவாகியுள்ள டிட்வா புயல், நேற்று காலை நிலவரப்படி புதுச்சேரிக்கு தென்கிழக்கே 430 கி.மீ., தொலைவில் நிலை கொண்டிருந்தது.

இது வடக்கு மற்றும் வடமேற்கு திசையில், சென்னை மற்றும் தமிழக வட கடலோர மாவட்டங்களை நோக்கி நகர்ந்து வந்தது.

இதனால் கடலுார் மாவட்டத்தில் நேற்று காலையில் மிதமான மழையும், மதியத்திற்கும் மேல் மழையின் வேகம் அதிகரித்து காணப்பட்டது.

புயல் உருவாகியுள்ளதன் காரணமாக கடலில் சீற்றம் அதிகரித்து காணப்பட்டது. கடல் அலைகள் 7அடி உயரம் வரை எழும்பியது.

இதனால் சில்வர் பீச்சிற்கு பொதுமக்கள் செல்ல நேற்று முன்தினம் முதல் தடை விதிக்கப்பட்டுள்ளதால் கூட்டம் ஏதுமின்றி வெறிச்சோடி காணப்பட்டது.

புயல் முன்னெச்சரிக்கை நடவடிக்கையாக கடந்த 23ம் தேதி முதல் மீனவர்கள் கடலுக்கு செல்ல வேண்டாம் என அறிவுறுத்தப்பட்டுள்ளனர். இதைத்தொடர்ந்து ஏழாம் நாளாக நேற்றும் மீனவர்கள் கடலுக்கு செல்லவில்லை. இதனால் படகுகள் பாதுகாப்பான இடங்களில் நிறுத்தி வைத்திருந்தனர்.