கடலுார்: கடலுார் திருப்பாதிரிப்புலியூர் பாடலீஸ்வரர் மேல்நிலைப்பள்ளியில், மாணவர்களுக்கு தினமலர்-பட்டம் இதழ் வழங்கப்பட்டது.

மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதுள்ள தொழில்நுட்ப அபிவிருத்திகள் உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில் 'தினமலர் - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.

திருப்பாதிரிப்புலியூர் சன்னதி தெரு பாடலீஸ்வரர் மேல்நிலைப்பள்ளியில், சுகந்தி மளிகை உரிமையாளர் மற்றும் கடலுார் அனைத்து வர்த்தக சங்க இணைச்செயலாளர் செல்லப்பாண்டியன் தலைமை தாங்கி, மாணவர்களுக்கு பட்டம் இதழ் வழங்கினார்.

செயலாளர் நவநீதகிருஷ்ணன், இணை செயலாளர் கலிவரதன், தலைமை ஆசிரியர் இமயவரம்பன் மற்றும் ஆசிரியர்கள் உடனிருந்தனர்.