புதுச்சேரி 'தினமலர் - பட்டம்' இதழ், ஆச்சாரியா கல்விக்குழுமம் இணைந்து, விருத்தாசலம் கே.எஸ்.ஆர்.,ைஹடெக் பள்ளியில், 'பதில் சொல், பரிசு வெல்' வினாடி வினா போட்டி நடத்தியது. இந்த போட்டியில், 250 மாணவ, மாணவிகள் பங்கேற்றனர்.

இதில், 16 மாணவர்கள் தேர்வு செய்யப்பட்டு, 8 குழுக்களாக பிரிக்கப்பட்டு தகுதிச்சுற்று நடந்தது.

இந்த போட்டியில் 9ம் வகுப்பு மாணவர்கள் யோகேஸ்வரன், வர்ஷன் முதலிடம், பிளஸ் 1 மாணவர்கள் நந்தினி ஸ்ரீ, ராஜ ஸ்ரீ ஆகியோர் இரண்டாமிடம் பிடித்தனர்.

நிர்வாக அலுவலர் ஆனந்தராஜ் தலைமை தாங்கி, போட்டியில் வென்ற மாணவர்களுக்கு சான்றிதழ், கேடயம் வழங்கினார்.

மேலும், போட்டியில் பங்கேற்ற மாணவர்களுக்கு சான்றிதழ் வழங்கப்பட்டது. இதில், தலைமை ஆசிரியர் பெட்ரீசியா செபஸ்டியன், தமிழ்துறை தலைவர் செந்தில், ஒருங்கிணைப்பாளர் வளர்மதி, தமிழ் ஆசிரியர்கள் பாரதி, நசீமா பானு மற்றும் ஆசிரியர்கள், மாணவர்கள் உட்பட பலர் பங்கேற்றனர்.

பள்ளி அளவில் வெற்றிபெற்ற இரு அணிகளும், மெகா வினாடி வினா போட்டியில் பங்கேற்க தேர்வாகினர்.