கடலுார் அடுத்த துாக்கணாம்பாக்கம், மேலக்குப்பத்தைச் சேர்ந்தவர் சுந்தரமூர்த்தி மகன் தீபக்,28; இவர், நேற்று மதியம் வீட்டை பூட்டாமல் தாழ்ப்பாள் போட்டு வெளியில் சென்றார்.

சிறிது நேரம் கழித்து மீண்டும் வீட்டிற்கு வந்த போது, கதவு திறக்கப்பட்டிருப்பதை கண்டு அதிர்ச்சியடைந்தார்.

உள்ளே சென்று பார்த்த போது, மர்ம நபர்கள் பீரோவை திறந்து 5 லட்சம் ரூபாய் மதிப்புள்ள 5 சவரன் நகைகளை திருடிச் சென்றது தெரிந்தது.

புகாரின் பேரில் துாக்கணாம்பாக்கம் போலீசார் வழக்குப் பதிந்து மர்ம நபர்களை தேடி வருகின்றனர்.