கம்மாபுரம் சப் இன்ஸ்பெக்டர் மாணிக்கராஜா தலைமையிலான போலீசார் நேற்று முன்தினம் மாலை ரோந்து சென்றனர்.

அப்போது, கோ.ஆதனுாரில் மொபட்டுகளில் வந்த இருவரை பிடித்து விசாரித்தனர். அதில், அவர்கள், அதே பகுதியை சேர்ந்த ராஜா, 25, ராஜகுரு, 19, என்பதும், மொபட்டுகளில் 6 மூட்டைகளில் மணல் கடத்தி வந்தது தெரிந்தது.

கம்மாபுரம் போலீசார் வழக்குப் பதிந்து இருவரையும் கைது செய்து, மொபட் மற்றும் மணல் மூட்டைகளை பறிமுதல் செய்தனர்.