சிதம்பரம் நடராஜர் கோவிலில் தனி சன்னதியாக உள்ள கோவிந்தராஜப் பெருமாள் கோவிலில் கும்பாபிஷேக திருப்பணி துவக்க முடிவு செய்யப்பட்டுள்ளது. இதனையொட்டி கடந்த 4ம் தேதி ஆயிரங்கால் மண்டப முகப்பில், யாக சாலை பூஜைகள் துவங்கியது. நேற்று காலை 7:00 மணி முதல் 7:15 க்குள் பாலாலயம் நடந்தது.

முன்னதாக யானை, குதிரை முன்னே செல்ல மேளதாளத்துடன் தில்லை கோவிந்தராஜ பெருமாள் சுவாமி ஊர்வலமாக சென்று கோவிலை வந்தடைந்தார். பின், சிறப்பு பூஜை நடந்தது. ஏற்பாடுகளை பரம்பரை அறங்காவலர்கள் செய்திருந்தனர்.