பெண்ணாடம் பேரூராட்சி, திருமலை அகரம் மேற்கு பகுதியைச் சேர்ந்தவர் கருப்புசாமி. 45. கூலித் தொழிலாளி. இவர் தனது மனைவியுடன் வசிக்கிறார்.

இவர் கடந்த 11ம்தேதி செங்கல்பட்டில் உள்ள உறவினர் வீட்டு திருமண நிகழ்ச்சிக்கு மனைவியுடன் சென்றார்.

நேற்று முன்தினம் இரவு 11:30 மணியளவில் கருப்புசாமியின் கூரைவீடு மர்மமான முறையில் தீப்பிடித்து எரிந்தது.

இதையறிந்த அருகிலுள்ளவர்கள் தண்ணீர் ஊற்றி தீயை அணைக்க முயன்றனர். அப்பகுதி மக்கள் கருப்புசாமிக்கு தகவல் தெரிவித்தனர்.

தகவலறிந்த திட்டக்குடி தீயணைப்பு வீரர்கள் தீயை அணைத்தனர்.

ஆனால் வீட்டில் இருந்து அரை சவரன், 5 ஆயிரம் ரொக்கம் உட்பட அனைத்து பொருட்களும் எரிந்து சாம்பலானது.

தீ விபத்து குறித்து பெண்ணாடம் போலீசார், வருவாய்த்துறையினர் விசாரித்து வருகின்றனர்.