திட்டக்குடி அடுத்த புத்தேரி வரதராஜ பெருமாள் கோவிலில், உலக மக்கள் நலன் பெற வேண்டி, மூலவர் ஸ்ரீதேவி, பூதேவி சமேத வரதராஜ பெருமாள் சுவாமிக்கு சிறப்பு திருமஞ்சனம், தீபாராதனை நடந்தது.

மாலை பிரகாரத்தில் உள்ள செங்கமல தாயார் சன்னதி முன்பு, திருவிளக்கு பூஜை, தீபாராதனை நடந்தது. ஏராளமான சுமங்கலி பெண்கள் பங்கேற்றனர். பூஜை ஏற்பாடுகளை, பஞ்சவடீ, பஞ்சமுக ஆஞ்சநேயர் கோவில் தலைவர் கோதண்டராமன், புத்தேரி செல்வ விநாயகர் மற்றும் வரதராஜ பெருமாள் கோவில் தலைவர் தமிழ்மணி ராதாகிருஷ்ணன், ஆலய ஆலோசகர் ராதாகிருஷ்ணன் செய்திருந்தனர்.