விருத்தாசலம் சப் இன்ஸ்பெக்டர் அய்யனார் தலைமையிலான போலீசார் நேற்று முன்தினம் ரோந்து சென்றபோது, பூதாமூர், பாலக்கரை மணிமுக்தாற்றங்கரை மற்றும் முகுந்தநல்லுார் செல்லும் சாலையில் சந்தேகத்திற்கிடமாக நின்றிருந்த மூவரை பிடித்து விசாரித்தனர்.

அவர்கள், புதுப்பேட்டை பக்கிரிசாமி, 52; வீரபாண்டியன் தெரு முருகன் மகன் ரஞ்சித்குமார், 27; கோமங்கலம் பிரபாகரன், 37, என்பதும், தலா 10 லிட்டர் விஷ சாராயத்தை பிளாஸ்டிக் பைகளில் வைத்து, விற்றதும் தெரிந்தது.

விருத்தாசலம் போலீசார் வழக்குப் பதிந்து, மூவரையும் கைது செய்தனர். அவர்களிடம் இருந்து 30 லிட்டர் சாராயம் பறிமுதல் செய்யப்பட்டது.