பொங்கல் பண்டிகையொட்டி நேற்று 11ம் தேதி முதல் 19ம் தேதி வரை தொடர் விடுமுறை அறிவிக்கப்பட்டது. அதனையொட்டி, சென்னையில் தங்கியுள்ள தென் மாவட்டங்களை சேர்ந்தோர், பொங்கல் பண்டிகையை கொண்டாட சொந்த ஊர்களுக்கு செல்ல துவங்கியுள்ளனர். இதனால், சென்னை-திருச்சி தேசிய நெடுஞ்சாலையில் பஸ், கார், பைக் மற்றும் வேன்களின் எண்ணிக்கை பன்மடங்கு அதிகரித்துள்ளது. இதன்காரணமாக, கடலூர் மாவட்டம், வேப்பூர் பகுதியில் சென்னை - திருச்சி தேசிய நெடுஞ்சாலையில், திருச்சி மார்க்கம் செல்லும் சாலையில் வாகனங்கள் போக்குவரத்து நெரிசல் ஏற்பட்டது.