புவனகிரி போலீஸ் சப் இன்ஸ்பெக்டர் மகேஷ் மற்றும் போலீசார் நேற்று ரோந்துபணியில் ஈடுபட்டிருந்தனர். அப்போது மேல்புவனகிரி ஊராட்சி ஒன்றிய அலுவலகம் அருகில் சந்தேகத்திற்கு ஏற்ப சுற்றித்திரிந்த இருவரை பிடித்து விசாரித்தனர்.

அதில் மேல்புவனகிரி ஏ.எஸ்.ஆர்.நகரைச் சேர்ந்த ரவி,44; மற்றும் புவனகிரி ஈஸ்வரன்கோவில்தெரு கனகராஜ்,37; என்பதும், கள்ளத்தனமாக டாஸ்மாக் மது பாட்டில்களை கூடுதல் விலைக்கு விற்பனை செய்ததும் தெரிய வந்தது.

இருவர் மீது வழக்குப் பதிந்து 15 குவாட்டர் பிராந்தி பாட்டில்களை பறிமுதல் செய்ததுடன் இருவரையும் கைது செய்தனர்.