வி.சி., கட்சித் தலைவர் திருமாவளவன் பிறந்த நாளையொட்டி அக்கட்சியினர் குறிஞ்சிப்பாடி பஸ் ஸ்டாண்ட் அருகில் பேனர் வைத்தனர். இதனை போலீசார் நேற்று அகற்றினர். இதனை கண்டித்து வி.சி., கட்சியினர் 30க்கும் மேற்பட்டோர் பஸ் ஸ்டாண்ட் எதிரில் 9:25 மணிக்கு சாலை மறியல் போராட்டம் நடத்தினர்.

தகவலறிந்த நெய்வேலி டி.எஸ்.பி., ராதாகிருஷ்ணன், குறிஞ்சிப்பாடி போலீசார் சம்பவ இடத்திற்கு விரைந்து வந்து, போராட்டத்தில் ஈடுபட்டவர்களிடம் பேச்சுவார்த்தை நடத்தி சமாதானம் செய்தனர். இதனையேற்று, 10:25 மணிக்கு போராட்டத்தை கைவிட்டு கலைந்து சென்றனர். மறியல் காரணமாக கடலுார்-விருத்தாசலம் சாலையில் 1 மணி நேரம் போக்குவரத்து பாதித்தது.