இதையொட்டி, நேற்று காலை 10:00 மணிக்கு யாகவேள்விகள் ஆரம்பிக்கப்பட்டு சிறப்பு பூஜை நடந்தது.

மதியம் விநாயகர், வள்ளி தேவசேனா சுப்பரமணியர், ராஜராஜேஸ்வரி சமேத ராஜராஜேஸ்வரர், சண்டிகேஸ்வரர், தனி அம்மன் ஆகிய பஞ்சமூர்த்திகளுக்கு மகா அபிஷேகம் நடந்தது. இரவு 7:30 மணிக்கு ராஜராஜேஸ்வரி,ராஜராஜேஸ்வரர் திருக்கல்யாணம் நடந்தது. பஞ்சமூர்த்திகள் உலா வந்து பக்தர்களுக்கு அருள்பாலித்தனர்.

இதில் ஏராளமான பக்தர்கள் கலந்து கொண்டு சுவாமியை வழிபட்டனர்.

விழா ஏற்பாடுகளை ஆலய நிர்வாக அறங்காவலர் வைத்திலிங்கம் தலைமையிலான விழாக்குழுவினர்கள்,உபயதாரர்கள் செய்திருந்தனர்.