வட்ட வழங்கல் அலுவலகம் மூலம் ரேஷன் கார்டில் பெயர் சேர்த்தல், நீக்குதல், புதிய ரேஷன் கார்டு உள்ளிட்டவைக்கு விண்ணப்பித்து மக்கள் பெறுகின்றனர்.

வேப்பூர் தாலுகாவில், புதியதாக திருமணமான தம்பதிகள் தங்களுக்கு, ரேஷன் கார்டு வேண்டி விண்ணப்பிக்கும் மனுக்களை, வட்ட வழங்கல் அலுவலக அதிகாரிகள் நிராகரித்து வருகின்றனர். 'உங்களுடன் ஸ்டாலின்' சிறப்பு முகாமில் விண்ணப்பித்தவர்களின் மனுக்களையும் நிலுவையில் வைத்துள்ளனர்.

இதுகுறித்து வருவாய்த்துறை அதிகாரி கூறுகையில், 'ரேஷன் கார்டில் உள்ள பெற்றோருக்கு ஒரு மகன் மட்டுமே இருந்தால், அவரது விண்ணப்பத்தை நிராகரித்து, ரேஷன் கார்டு வழங்கப்படாது.

அவரின் மனைவி பெயரை அவரின் பெற்றோர் ரேஷன் கார்டு உடன் இணைக்க வேண்டும்,' என கூறினார்.