விருத்தாசலம் சப் இன்ஸ்பெக்டர் சந்துரு தலைமையிலான போலீசார் நேற்று மணவாளநல்லுார் மணிமுக்தாறு பகுதியில் ரோந்து பணியில் ஈடுபட்டிருந்தனர்.

அப்போது, ராமச்சந்திரன்பேட்டை, விருத்தாம்பிகை நகரைச் சேர்ந்த முத்துகருப்பன் மகன் ராஜசேகர், 30; என்பவர் தனது பைக்கில், கள்ளத்தனமாக சாக்கு மூட்டைகளில் ஆற்றுமணல் கடத்தி சென்றது தெரிய வந்தது.

இதுகுறித்து, விருத்தாசலம் போலீசார் வழக்குப் பதிந்து, பைக்கை பறிமுதல் செய்து, ராஜசேகரை கைது செய்து விசாரணை நடத்தி வருகின்றனர்.