மங்கலம்பேட்டை அடுத்த கவணையை சேர்ந்தவர் விஜய் மனைவி தமிழ்மணி, 28. அதே பகுதியை சேர்ந்த சுந்தரமூர்த்தி மகன் மருதுபாண்டியன், 33, என்பவருடன் நிலம் சம்பந்தமாக முன்விரோதம் இருந்தது. கடந்த 19ம் தேதி மாடுகளை ஓட்டிக்கொண்டு தமிழ்மணி வயலுக்கு சென்றபோது, மருதுபாண்டியன், அவரது ஆதரவாளர் வெங்கடேசன், 38, ஆகியோர் அவரை ஆபாசமாக திட்டி, ஆபாசமாக நடந்து கொண்டனர்.

இதை தட்டிக்கேட்ட தமிழ்மணி மாமனார் ராதாகிருஷ்ணன் என்பவரிடம் மண்வெட்டியை காட்டி, கொலை மிரட்டல் விடுத்தனர். தமிழ்மணி புகாரின் பேரில், மங்கலம்பேட்டை சப் இன்ஸ்பெக்டர் ராஜ்குமார் தலைமையிலான போலீசார் வழக்குப் பதிந்து, மருதுபாண்டியனை கைது செய்தனர். தலைமறைவான வெங்கடேசனை தேடி வருகின்றனர்.