* அரூர் ஊராட்சி ஒன்றிய அலுவலகம் எதிரில், அ.தி.மு.க., சார்பில், தண்ணீர் பந்தல் திறக்கப்பட்டது. நிகழ்ச்சிக்கு நகர

செயலாளர் பாபு தலைமை வகித்தார். தர்மபுரி மாவட்ட செயலாளர் அன்பழகன் எம்.எல்.ஏ., தண்ணீர் பந்தலை திறந்து வைத்து, பொதுமக்களுக்கு இளநீர், வெள்ளரிபிஞ்சு, தர்பூசணி மற்றும் குளிர்பானங்களை வழங்கினார். எம்.எல்.ஏ.,க்கள் அரூர் சம்பத்குமார், பாப்பிரெட்டிப்பட்டி கோவிந்தசாமி, தெற்கு ஒன்றிய செயலாளர் பசுபதி உட்பட பலர் பங்கேற்றனர்.

அரூர் கொங்கு திருமணம் மண்டபம் அருகில், கொங்கு வேளாள கவுண்டர்கள் சங்கம் சார்பில், தண்ணீர் பந்தல் திறக்கப்பட்டது. தர்மபுரி மாவட்ட கொங்கு வேளாள கவுண்டர்கள் சங்கத் தலைவரும், ஊத்தங்கரை வித்யாமந்திர் கல்வி நிறுவனங்களின் தாளாளருமான சந்திரசேகரன் தண்ணீர் பந்தலை திறந்து வைத்து, பொதுமக்களுக்கு சோளக்கூழ், மோர் ஆகியவற்றை வழங்கினார்.