உலக சுற்றுச்சூழல் தினத்தை கொண்டாடும் விதமாக, தர்மபுரி கூடுதல் மாவட்ட கலெக்டர் வளாகத்தில் நேற்று, தர்மபுரி மாவட்ட கலெக்டர் சாந்தி தலைமையில், 50 மரக்கன்றுகள் நட்டு வைத்தனர். தொடர்ந்து, பொதுமக்களுக்கு விழிப்புணர்வு ஏற்படுத்தும் வகையில், தமிழ்நாடு மாசு கட்டுப்பாடு வாரியம் சார்பில், மாவட்ட சுற்றுச்சூழல் பொறியாளர் மற்றும் உதவிப்பொறியாளர்கள் மூலம், உறுதிமொழி ஏற்றுக் கொண்டனர்.இதில், டி.ஆர்.ஓ., பால்பிரின்ஸ்லி ராஜ்குமார், கூடுதல் கலெக்டர் கௌரவ்குமார், ஆர்.டி.ஓ., காயத்ரி, மாவட்ட சுற்றுச்சூழல் பொறியாளர் நித்யலட்சுமி, தமிழ்நாடு மாசு கட்டுப்பாடு வாரிய உதவி பொறியாளர்கள் மற்றும் அரசுத்துறை உயர் அலுவலர்கள் கலந்து கொண்டனர்.