கிருஷ்ணகிரி, கிருஷ்ணகிரி மாவட்டம், வேப்பனள்ளி அருகே உள்ள நேரலகிரி, கொங்கனப்பள்ளி, சிகரமாகனப்பள்ளி வனப்பகுதியை ஒட்டிய விவசாய நிலங்களை, 3 யானைகள் சேதப்படுத்தி வந்தன. அவற்றை கடந்த சில நாட்களுக்கு முன் கர்நாடகா மற்றும் ஆந்திர வனப்பகுதிக்கு வனத்துறையினர் விரட்டினர். நேற்று, 3 யானைகளும் மீண்டும் தமிழக எல்லையிலுள்ள கொட்டாயூர் வனப்பகுதியில் முகாமிட்டு, வனப்பகுதியை ஒட்டிய விவசாய நிலங்ளை சேதப்படுத்தின. இதனால் விவசாயிகள் மற்றும் பொதுமக்கள் அச்சமடைந்துள்ளனர்.