முதற்கட்ட பணிகள் முடிவடைந்த நிலையில், மீதமுள்ள, 14 வார்டுகளில், 82 கோடி ரூபாய் மதிப்பில், 2ம் கட்ட பாதாள சாக்-கடை திட்டப்பணிகள், துவங்கப்பட்டு நடந்து வருகிறது. இந்-நிலையில் முதற்கட்ட பாதாள சாக்கடை திட்டத்திற்காக தோண்-டிய குழிகள் மூடப்படாமல் உள்ளதால், பொதுமக்களும், வாகன ஓட்டிகளும் விபத்தில் சிக்கி வருகின்றனர்.

இது குறித்து, பொதுமக்கள் கூறியதாவது:

முதற்கட்ட பாதாள சாக்கடை திட்டத்தில், கழிவுநீரை ஒருங்கி-ணைத்து, மதிகோன்பாளையம் மற்றும் காந்திபாளையத்தில், கழி-வுநீர் நீரேற்று நிலையம் அமைக்கப்பட்டுள்ளது. இதில், தினமும், 38 லட்சம் லிட்டர் கழிவுநீர் சுத்திகரிப்பு செய்யப்படுகிறது. அந்த கழிவுநீர் விவசாய பணிக்கு திருப்பி விடப்பட்டு வந்தது.

முதற்கட்ட பாதாள சாக்கடை திட்டம் முறையாக செயல்படுத்தா-ததால், நான்கு ரோடு கோல்டன் தெரு, பி.எஸ்.என்.எல்., அலுவ-லகம், நெசவாளர் காலனி உள்ளிட்ட இடங்களில், குழாய் உடைந்தும், அடைப்பு ஏற்பட்டும், பாதாள சாக்கடையில் இருந்து கழிவுநீர் வெளியேறி, சாலை மற்றும் குடியிருப்பு பகுதி தெருக்களில் தேங்குகிறது.

ஒரு இடத்தில் சரி செய்தால், மற்றொரு இடத்தில் உடைப்பு ஏற்ப-டுகிறது. அதேபோல், குழாயில் அடைப்பு ஏற்படுவதால், மதி-கோன்பாளையத்தில் உள்ள ஏர்வால்வு குழாயில் எந்நேரமும் கழிவு நீர் வழிந்து, வழக்கம் போல் சனத்குமார் நதி கால்வாயில்

கலக்கிறது.

இதனிடையே, பாரதிபுரம், அம்பேத்கர் நகர் உள்ளிட்ட பல இடங்களில், பாதாள சாக்கடை கால்வாய் திட்டத்திற்காக தோண்-டிய குழிகள் சரியாக மூடப்படாமல் உள்ளன. இதனால், பொதுமக்களும், வாகன ஓட்டிகளும் அடிக்கடி விபத்தில் சிக்கி காயமடைந்து வருகின்றனர். மேலும், சிறிது மழை பெய்தால் கூட சாலை சேறும், சகதியுமாக மாறிவிடுகிறது. எனவே, முதற்-கட்ட பாதாள சாக்கடை திட்டத்திற்காக தோண்டிய குழிகளை மூட,

நடவடிக்கை எடுக்க வேண்டும்.

இவ்வாறு, அவர்கள் கூறினர்.