சூளகிரி, சூளகிரி அருகே, பைக் மீது கார் மோதிய விபத்தில் மூன்று பேர் காயமடைந்தனர். மேலும் பைக் எரிந்து நாசமானது.கிருஷ்ணகிரி மாவட்டம், சூளகிரி அடுத்த கொல்லப்பள்ளி அருகே, கிருஷ்ணகிரி - ஓசூர் தேசிய நெடுஞ்சாலையில் நேற்று காலை, 9:30 மணிக்கு டிஸ்கவர் பைக் சென்று கொண்டிருந்தது. அப்போது பின்னால் வந்த கார், சாலையை கடக்க முயன்ற பைக் மீது மோதியது. இதில், பைக்கை ஓட்டி சென்றவர் மற்றும் அதில் பயணித்த கட்டிகானப் பள்ளியை சேர்ந்த ராஜேஸ்வரி, 45, பிரேமா, 24, ஆகிய மூன்று பேர் காயமடைந்தனர்.