நிதியிழப்பு தொகையை செந்தில்குமார் உள்பட மோசடிக்கு துணையாக இருந்த நால்வர், கூட்டாகவோ, தனித்தனியாகவோ செலுத்த வேண்டும் என, சேலம் துணைப்பதிவாளர் புவனேஸ்வரி, கடந்த ஆக.,14ல் உத்தரவிட்டார். அதுவரை, 12 சதவீத வட்டி சேர்த்து செலுத்த உத்தரவில் குறிப்பிடப்பட்டுள்ளது.

எனினும், நிதியிழப்பு தொகை இன்னும் சங்கத்துக்கு செலுத்தவில்லையென உறுப்பினர்கள் தெரிவித்தனர். இதற்கிடையே கடந்த அக்.,20ல், செந்தில்குமார் போதையில், பால் ஏற்ற வந்த லாரியை, சங்கத்துக்கு முன்பாக நிறுத்தி ரகளையில் ஈடுபட்டார். அதனால் பால் அனுப்பும் பணி பாதிக்கப்பட்டது. இந்த வீடியோ வாட்ஸ் ஆப்பில் வைரலானது.

இதுபற்றி, சங்க நிர்வாகி அறிவழகன் வாழப்பாடி போலீசில் புகார் அளித்தார். தீவிர விசாரணைக்கு பின், கடந்த 30ல், செந்தில்குமார், வெங்கடாசலம், 53, ஆகியோர் மீது, கொலை மிரட்டல், தகாத வார்த்தையை பேசியது, வாகனத்தை வழிமறித்தல், மக்களுக்கு இடையூறு ஏற்படுத்தியது என, நான்கு பிரிவுகளின் கீழ் வழக்குபதிந்து, தேடி வருகின்றனர்.