கிருஷ்ணகிரி: கிருஷ்ணகிரி கிழக்கு மாவட்ட, தி.மு.க., செயலாளர் மதியழகன் எம்.எல்.ஏ., வெளியிட்டுள்ள அறிக்கை: தமிழக தொழிலாளர் நலன் மற்றும் திறன் மேம்பாட்டு துறை அமைச்சர் கணேசன், கிருஷ்ணகிரி மாவட்டத்திற்கு இன்று (புதன்கிழமை) வருகிறார். காலை, 10:00 மணிக்கு பர்கூர் தொகுதி குட்டூர், 10:45 மணிக்கு பட்லப்பள்ளி, 12:00 மணிக்கு பெலவர்த்தி, 1:00 மணிக்கு ஜெகதேவியில் மக்களுடன் முதல்வர் திட்ட, 3ம் கட்ட முகாம்களை துவக்கி வைத்து, பொதுமக்களிடம் கோரிக்கை மனுக்களை பெற்று, அரசு நலத்திட்ட உதவிகளை வழங்குகிறார்.