கொத்தமல்லி சாகுபடி குறைந்து, விலை படிப்படியாக உயர்ந்து வருகிறது. ஓசூர் உழவர் சந்தையில் நேற்று ஒரு கட்டு, 15 முதல், 20 ரூபாய் வரையும், ஒரு கிலோ, 80 ரூபாய்க்கும் விற்பனையானது. வெளிமார்க்கெட்டில் ஒரு கட்டு, 25 ரூபாய், கிலோ, 100 ரூபாய் என விற்பனை செய்யப்பட்டது.

இது குறித்து, சூளகிரி பகுதி விவசாயிகள் கூறியதாவது: இம்மாத துவக்கத்தில், விவசாயிகளிடம் ஒரு கட்டு கொத்தமல்லி, 5 ரூபாய்க்கும் குறைவாக வாங்கி கடைகளில், 10 ரூபாய் வரை விற்றது. தற்போது சாகுபடி குறைந்த நிலையில், விவசாயிகளிடம், 10 முதல், 13 ரூபாய் வரை வாங்கி வருகின்றனர். வரும் நாட்களில் விலை மேலும் அதிகரிக்கும் என்பது மகிழ்ச்சி அளிக்கிறது. இவ்வாறு, அவர்கள் கூறினர்.