இதுகுறித்து மாணவர் ஜெகதீஷ் கூறுகையில்,''நீட் தேர்வுக்காக அரசு பள்ளியில் நடந்த பயிற்சி வகுப்பில் சேர்ந்து தொடர்ந்து படித்தேன். கடந்த ஆண்டு நீட் தேர்வில் கட்-ஆப் மதிப்பெண்ணை விட, ஒரு மதிப்பெண் குறைந்ததால் மருத்துவ படிப்பில் இடம் கிடைக்கவில்லை. இதனால், தொடர்ந்து சிறப்பு பயிற்சி பெற்று, இந்தாண்டு மீண்டும் நீட் தேர்வு எழுதினேன். தற்போது, 520 மதிப்பெண் பெற்றுள்ளதால் மருத்துவ படிப்பில் சேரும் வாய்ப்பு கிடைத்துள்ளது. சென்னை அரசு மருத்துவ கல்லுாரியில் எம்.பி.பி.எஸ். படிப்பில் சேர்ந்து படிக்க திட்டமிட்டுள்ளேன்,'' என்றார்.