அரூர் டி.எஸ்.பி., கரிகால் பாரிசங்கர் விசாரணை மேற்கொண்டார். கைரேகை நிபுணர்கள் தடயங்களை சேகரித்தனர். போலீசார் விசாரணையில், அதிகாலை, 3:00 மணிக்கு ஏ.டி.எம்., மையத்திற்குள் பணம் எடுப்பது போல் நுழைந்த மர்ம நபர்கள், இரும்பு கம்பியால் ஏ.டி.எம்., இயந்திரத்தின் முன்பக்கத்தை உடைத்துள்ளனர். பின், அதிலிருந்து பணத்தை எடுக்க முடியாமல், கம்பியை அங்கேயே விட்டுச் சென்றது தெரிய வந்தது. இதனால் பல லட்சம் ரூபாய் தப்பியது. தகவலின்படி வந்த ஏ.டி.எம்., மைய தொழில்நுட்ப பணியாளர்கள் ஏ.டி.எம். இயந்திரத்தை திறந்து பார்த்ததில், பணம் எதுவும் கொள்ளை போகவில்லை எனத் தெரிவித்தனர்.