தர்மபுரி: தர்மபுரி கலெக்டர் அலுவலகத்தில், நேற்று நடந்த விவசாயிகள் குறைதீர் கூட்டத்தில் மாவட்ட கலெக்டர் சதீஷ் தலைமை வகித்து பேசியதாவது: தர்மபுரி மாவட்டத்தில், நடப்பாண்டில் போதுமான அளவு மழை பெய்துள்ளது. நெல், பயறு, எண்ணெய் வித்துக்கள், சிறுதானியங்கள் என அனைத்து வகை விவசாயத்திற்கும் தேவையான விதைகள் கையிருப்பு உள்ளன. அனைத்து வட்டார வேளாண்மை விரிவாக்க மையங்களிலும், விவசாயிகள் தேவையான விதைகளை பெற்று பயன்படுத்தி கொள்ளலாம். இவ்வாறு பேசினார்.