மேலும் பழைய புறநகர் பஸ்களுக்கு மாற்றாக, 31 புதிய பஸ்கள், 45 புனரமைப்பு பஸ்கள் என, 76 பஸ்கள், மகளிர் விடியல் பயணம் செய்யும் பழைய டவுன் பஸ்களுக்கு மாற்றாக, 23 புதிய பஸ்கள், 15 புனரமைப்பு பஸ்கள் என, 38 பஸ்கள் பள்ளி, கல்லுாரி மாணவ, மாணவியர் மற்றும் பொதுமக்கள் பயன்பாட்டிற்கு இயக்கப்பட்டு வருகிறது.

இந்நிலையில், நேற்று வேளாண்மை மற்றும் உழவர் நலத்துறை அமைச்சர் பன்னீர்செல்வம், மாவட்ட கலெக்டர் சதீஸ் முன்னிலையில், 4 வழித்தடங்களில் தடம் நீட்டிப்பு, மாற்றியமைக்கப்பட்ட மகளிர் விடியல் பயணம் செய்யும் பஸ்கள் சேவையை தொடங்கி வைத்தார். இதன் மூலம், 7 கிராமங்களில் பள்ளி, கல்லுாரி மாணவர்கள் மற்றும் பொதுமக்கள் என, 4,311 பேர் பஸ் வசதி பெறவுள்ளனர்.

இந்நிகழ்ச்சியில் தர்மபுரி தி.மு.க.,- -எம்.பி., மணி, நகராட்சி தலைவர் லட்சுமி, தர்மபுரி மண்டல பொது மேலாளர் செல்வம், தி.மு.க., முன்னாள் மாவட்ட செயலர் தடங்கம் சுப்பரமணி, நகர செயலர் நாட்டான் மாது உட்பட பலர் கலந்து கொண்டனர்.