செஸ் போட்டியில் வெற்றி

அரூர், செப். 20-

அரூர் ஒன்றிய அளவிலான செஸ் போட்டிகள், அரூர் அரசு ஆண்கள் மேல்நிலைப்பள்ளியில் நடந்தது. இதில், 35 அரசு மற்றும் தனியார் பள்ளிகளை சேர்ந்த மாணவர்கள் கலந்து கொண்டனர். சூப்பர் சீனியர் பிரிவில், அரூர் அரசு ஆண்கள் மேல்நிலைப்பள்ளி மாணவர் தர்ஷன் முதலிடத்தையும், சீனியர் பிரிவில் அர்ஜூன் இரண்டாமிடத்தையும் பிடித்தனர். போட்டியில் வெற்றி பெற்ற மாணவர்களையும், அவர்களுக்கு பயிற்சி அளித்த உடற்கல்வி ஆசிரியர்கள் பழனிதுரை, சங்கர், முருகேசன், வெங்கடேசன் ஆகியோரை, தலைமையாசிரியர் ஆறுமுகம் மற்றும் ஆசிரியர்கள் பாராட்டினர்.