இது குறித்து, மூதாட்டி மாரியம்மாள் கூறியதாவது: என்னுடன் பிறந்தவர்கள் மற்றும் மகள் ஆகியோர் இறந்து விட்டனர். என்னை யாரும் கண்டு கொள்ளவில்லை. வசதியாக வாழ்ந்த நான், தற்போது வாழ வழியின்றி உள்ளேன். இயற்கை உபாதை கழிக்க முடியாத நிலையில் உள்ளேன். இதை தவிர்க்கவே, மூன்று வேளையும் டீ மட்டும் குடித்து வருகிறேன். வழிபோக்கர்கள் கொடுப்பதை சாப்பிடுகிறேன். உடல்நிலை பாதித்து ஆதரவற்று கிடக்கிறேன். மாற்றுத்திறனாளிகளுக்கு வழங்கப்படும் உதவித்தொகையை பலமுறை கேட்டும், கிடைக்கவில்லை. இருக்க இடமும், சாப்பிட அரிசி, பருப்பு வழங்கி, மாற்றுத்திறனாளிக்கான உதவித் தொகையை வழங்க, அரசு நடவடிக்கை எடுக்க வேண்டும். இவ்வாறு, அவர் கூறினார்.