புதிய அங்கன்வாடி மைய கட்டடத்தை, தர்மபுரி, பா.ம.க., - எம்.எல்.ஏ., வெங்கடேஷ்வரன் நேற்று திறந்து வைத்தார்.

தர்மபுரி மாவட்டம், நல்லம்பள்ளி ஒன்றியம், பங்குநத்தம் பஞ்., உட்பட்ட சின்னபங்குநத்தம் மற்றும் ராஜாகொல்லஹள்ளி பகுதியில், 27.14 லட்சம் மதிப்பில், 2 அங்கன்வாடி மைய கட்டடங்கள் கட்டப்பட்டது. இதை தர்மபுரி, பா.ம.க., - எம்.எல்.ஏ., வெங்கடேஷ்வரன் நேற்று திறந்து வைத்தார். இதில், குழந்தைகள் வளர்ச்சி மாவட்ட திட்ட அலுவலர் சுகந்திபிரியா, பஞ்., செயலாளர் ஜம்பேரி, உள்ளாட்சி பிரதிநிதிகள் மற்றும் அங்கன்வாடி பணியாளர்கள், பொதுமக்கள் பலர் கலந்துகொண்டனர்.