இன்னும் சில தினங்களில் முழு கொள்ளளவான, 65.27 அடியை நிரம்பும் என எதிர்பார்க்கப்படுகிறது. அணை நிரம்பும் பட்சத்தில் உபரி நீர் வெளியேற்றப்படும். இடதுபுற வாய்க்கால் வழியாக வெளியேற்றப்படும் உபரி நீர் வெங்கடசமுத்திரம், மோளை-யானுார், தேவராஜபாளையம், விழுதிப்பட்டி, மெனசி, பூத-நத்தம், ஆலாபுரம், ஜம்மனஹள்ளி ஆகிய பகுதிகள் வழியாக செல்லும். அவ்வாறு செல்லும் போது, விழுதிப்பட்டியில் இருந்து மெனசி பகுதி விவசாயிகளுக்கு செல்லும் கிளை வாய்க்கால் செல்வதில்லை. இந்த உபரிநீர் அப்பகுதி விவசாயிக-ளுக்கு, எட்டாக்கனியாக உள்ளது.அப்பகுதியில் செல்லும் கிளை வாய்க்கால், பல ஆண்டுகளாக துார்வாரப்படாமல், முட்புதர்களின் பிடியில் உள்ளது. இந்த வாய்க்கால் துார்வாரப்பட்டால் அப்பகுதியிலுள்ள, ஆயிரக்கணக்-கான விவசாய நிலங்கள் பாசன வசதி பெறும். இது குறித்து பல-முறை பொதுப்பணித்துறை அதிகாரிகளிடமும், மாவட்ட நிர்வா-கத்திடமும் மனுக்கள் கொடுத்தும் எவ்வித நடவடிக்கையும் இல்லை என விவசாயிகள் குற்றம் சாட்டுகின்றனர்.

அணை கட்டப்பட்டதிலிருந்து இதுவரை, 3 முறை மட்டுமே அப்பகுதிக்கு தண்ணீர் சென்றுள்ளது. ஆகவே இந்த கிளை வாய்க்காலை துார்வார அரசு நடவடிக்கை எடுக்க, விவசாயிகள் வேண்டுகோள் விடுத்துள்ளனர்.