அரூர், தர்மபுரி மேற்கு மாவட்ட, தி.மு.க., சார்பில், அரூர் பஸ் ஸ்டாண்ட் எதிரில், முன்னாள் முதல்வர் கருணாநிதி நினைவு நாள் நிகழ்ச்சி நடந்தது. அலங்கரித்து வைத்திருந்த கருணாநிதி உருவ படத்திற்கு மேற்கு மாவட்ட செயலாளர் பழனியப்பன் தலைமையில், அக்கட்சியினர் மலர் துாவி மரியாதை செலுத்தினர். ஒன்றிய செயலாளர்கள் சந்திரமோகன், தென்னரசு, சவுந்தரராசன், வேடம்மாள் உள்பட பலர் கலந்து கொண்டனர். அதேபோல், மொரப்பூர், கம்பைநல்லுார் உள்ளிட்ட இடங்களில், கருணாநிதி உருவ படத்திற்கு மாலை அணிவித்து மரியாதை செலுத்தப்பட்டது.