தர்மபுரி, த.மா.கா., நிறுவனர் மூப்பனாரின், 94வது பிறந்தநாள் விழா நேற்று கொண்டாடப்பட்டது. இதில், தர்மபுரி மாவட்டத்தில் புறநகர் பஸ் ஸ்டாண்ட் அருகில், காமராஜர் சிலை முன், வைக்கப்பட்டிருந்த மூப்பனார் உருவ படத்திற்கு, தர்மபுரி மாவட்ட தலைவர் புகழ் தலைமையில் கட்சியினர் மாலை அணிவித்து மரியாதை செலுத்தி, பொதுமக்களுக்கு இனிப்பு வழங்கி கொண்டாடினர். இதில், மாநில இளைஞரணி செயலாளர் சங்கர் கணேஷ், மாவட்ட துணைத் தலைவர் வளையாபதி, மாவட்ட பொது செயலாளர் பாபு, இளைஞரணி தலைவர் நவீன், மகளிர் அணி தலைவி செல்வி, நகர தலைவர் ரமேஷ் உட்பட பலர் கலந்து கொண்டனர்.