நல்லம்பள்ளி: தர்மபுரி மாவட்டம், நல்லம்பள்ளி அடுத்துள்ள கீழ்ஈசல்பட்டியில், நாகத்து அம்மன் கோவில் உள்ளது. இங்கு நவ., 3 அன்று கொடியேற்றத்துடன், கும்பாபிஷேக விழா தொடங்கியது. தொடர்ந்து, தீர்த்தக்குடம் மற்றும் முளைப்பாரி ஊர்வலம் நடந்தது. பின்னர், மூலவர் தெய்வங்கள் பிரதிஷ்டை செய்து, அஷ்டபந்தனம் சாற்றும் நிகழ்ச்சி நடந்தது. நேற்று, யாகசாலையில் வைத்து பூஜிக்கப்பட்ட தீர்த்தக்குடங்கள் ஊர்வலமாக கொண்டு செல்லபட்டு, நாகத்து அம்மன் விமான கோபுரம் மற்றும் மூலவர், பாரிவார தெய்வங்களுக்கு புனிதநீர் ஊற்றி, கும்பாபிஷேகம் நடத்தப்பட்டது. சிறப்பு அலங்காரத்தில் அம்மன் பக்தர்களுக்கு அருள் பாலித்தார்.