அரூர், திருப்பத்துார் மாவட்டம், வாணியம்பாடி முதல், சேலம் அயோத்தியாப்பட்டணம் வரை, 4 வழிச்சாலை அமைக்கப்படுகிறது. முதல்கட்டமாக வாணியம்பாடி முதல், தர்மபுரி மாவட்டம் அரூர் - ஏ.பள்ளிப்பட்டி வரை, 4 வழிச்சாலை அமைக்கப்பட்டு போக்குவரத்து நடக்கிறது. இவ்வழியாக தினமும், ஆயிரக்கணக்கான கார், பஸ், லாரி உள்ளிட்ட வாகனங்கள் சென்று வருகின்றன. நான்கு வழிச்சாலை பணி முடிவடைந்த நிலையில், சாலையோரத்தில் மரக்கன்றுகளும், சாலை நடுவே சென்டர் மீடியனில் செடிகளும் நடப்பட்டு பராமரிக்கப்பட்டன.