இதனால், அதிகாரிகள் இடம் மாற்ற முயற்சித்து வருகின்றனர். தொடர்ந்து, கதிரிபுரத்தில் அமைக்கவும் எதிர்ப்பு கிளம்பியது. இதையடுத்து பொம்மிடி கோட்டமேடுவை சேர்ந்த வெங்கடேஷ் என்பவரின் விவசாய நிலத்தில் டாஸ்மாக் கடை அமைக்க புதிய கட்டடம் கட்டப்-பட்டது. இதற்கு கோட்டமேடு, சாலவளசு, குமரிமடுவு கிரா-மங்களை சேர்ந்த, 100க்கும் மேற்பட்ட பெண்கள், பொதுமக்கள் கடந்த, 22ல் கறுப்பு கொடி ஏந்தி போராட்டத்தில் ஈடுபட்டனர். தொடர்ந்து, டாஸ்மாக் கடை வைக்க எதிர்ப்பு தெரிவித்து, நேற்று முன்தினம் பொம்மிடி ஊராட்சியில் நடந்த, கிராம சபை கூட்-டத்தில் தீர்மானம் நிறைவேற்றப்பட்டது. ஆனால், டாஸ்மாக் கடையை கோட்டைமேடுவில் அமைக்க, அதிகாரிகள் தீவிர நடவடிக்கை எடுத்து வருவதாகவும், எந்நே-ரமும் மதுபாட்டில்களை கடைக்கு கொண்டு வரக்கூடும் என கருதி நேற்று முன்தினம் இரவு, 50க்கும் மேற்பட்ட ஆண்கள் அப்பகுதியில் கூடாரம் அமைத்து தங்கி போராட்டத்தில் ஈடுபட்-டனர். நேற்று காலை முதல் தொடர் போராட்டத்தில், அப்பகுதி மக்கள் ஈடுபட்டு வருகின்றனர்.