மேலும், பிரிவு சாலை அடைக்கப்பட்ட இடத்தில் உயர்மட்ட மேம்பாலம் அமைக்க, அப்பகுதி மக்கள் தொடர்ந்து கோரிக்கை விடுத்து வந்தனர். பாலம் இல்லாததால், சாலையை சுற்றிவராமல் கனரக வாகனங்கள் சர்வீஸ் சாலையில் எதிர் திசையில் சென்று வருகின்றனர். இதனால், அடிக்கடி விபத்து ஏற்பட்டு இதுவரை, 7 பேர் விபத்தில் இறந்துள்ளதாக அப்பகுதி மக்கள் தெரிவித்தனர்.

எனவே, சர்வீஸ் சாலையில் விபத்து மற்றும் உயிரிழப்பை தடுக்க, சேலம் - பெங்களுரு தேசிய நெடுஞ்சாலையில் சேசம்பட்டி பிரிவில், உயர்மட்ட மேம்பாலம் அமைக்க வலியுறுத்தி நேற்று, கிராம மக்கள் குடிப்பட்டி பாலம் அருகே, ஆர்ப்பாட்டத்தில் ஈடுபட்டனர்.

அங்கு வந்த பாளையம் சுங்கச்சாவடியின் திட்டத்தலைவர் நரேஷ் ஆர்ப்பாட்டத்தில் ஈடுபட்ட மக்களிடம் பேச்சுவார்த்தை நடத்தி, உயர்மட்ட பாலம் அமைக்கும் கோரிக்கை குறித்து, மாவட்ட நிர்வாகத்தின் கவனத்திற்கு கொண்டு சென்று, நடவடிக்கை எடுப்பதாக உறுதி அளித்தார்.