அரூர்: தர்மபுரி மாவட்டம், அரூர் அடுத்த கோபிசெட்டிப்பாளையம் பஞ்.,க்கு உட்பட்ட அஞ்சுகம் நகரில், 100க்கும் மேற்பட்ட குடும்பத்தினர் வசிக்கின்றனர். இப்பகுதி மக்கள் ரேஷன் பொருட்களை வாங்க, அருகில் உள்ள பாப்பி ரெட்டிப்பட்டிக்கு சென்று வருகின்றனர். அக்கடையில், 800க்கும் மேற்பட்ட ரேஷன் கார்டுதாரர்களுக்கு பொருட்கள் வினியோகம் செய்யப்படுகிறது. இதனால் அக்கடையில் எப்போதும் மக்கள் கூட்டம் அதிகமாக உள்ளது.