ADDED : நவ 17, 2026 07:21 PM
அ நிறம் | அளவு
மொரப்பூர்: முதியவரிடம் கத்தியை காட்டி மிரட்டி, 1.50 லட்சம் ரூபாய் பறித்த முகமூடி கும்பல் குறித்து போலீசார் விசாரிக்கின்றனர்.
தர்மபுரி மாவட்டம், மொரப்பூர் அடுத்த கொண்டையம்பட்டியை சேர்ந்தவர் கண்ணாயிரம், 80, விவசாயி. இவர், தோட்டத்து வீட்டில் தனியாக வசிக்கிறார். இன்று (நவ.,17) அதிகாலை, 3:30 மணிக்கு முகமூடி அணிந்து வந்த, 3 பேர், அவரிடம் கத்தியை காட்டி மிரட்டி, அவரது படுக்கைக்கு கீழே வைத்திருந்த, 1.50 லட்சம் ரூபாயை பறித்துக்கொண்டு தப்பினர். சம்பவ இடம் சென்ற மொரப்பூர் இன்ஸ்பெக்டர் ரவிக்குமார் மற்றும் போலீசார் விசாரணை மேற்கொண்டனர்.
