கடந்த, 6 மாதத்திற்கு முன், பணியில் இருந்த, 4 ஆசிரியர்கள் பள்ளியில் சரிவர பணி செய்வதில்லை என்ற குற்றச்சாட்டு எழுந்ததால், 4 ஆசிரியர்களை வேறு பள்ளிக்கு மாற்றம் செய்ய, சி.இ.ஓ.,விடம் பெற்றோர் புகார் மனு அளித்தனர்.

குற்றச்சாட்டு எழுந்த, 4 ஆசிரியர்கள் உட்பட, 7 ஆசிரியர்களையும் வேறு பள்ளிக்கு இடமாற்றம் செய்தனர். இதில், 3 ஆசிரியர் மாற்றத்திற்கு எதிர்ப்பு தெரிவித்து, மாணவர்கள் வகுப்பு புறக்கணிப்பு போராட்டத்தில் ஈடுபட்டனர்.

இது குறித்து, மாவட்ட தொடக்கக்கல்வி அலுவலர் தென்றல், வட்டார கல்வி அலுவலர் ஜீவா ஆகியோர், பெற்றோரிடம் தொடர்ந்து பேச்சுவார்த்தை நடத்தி, ஒரு வார காலத்திற்குள், 3 ஆசிரியர்களை மீண்டும் அதே பள்ளியில் பணியமர்த்துவதாக உறுதியளித்தனர்.

அதை தொடர்ந்து, நேற்று முதல், மாணவர்கள் பள்ளிக்கு சென்றனர். இதில், 2 நாள் வகுப்பு புறக்கணிப்பு போராட்டம் முடிவுக்கு வந்தது.